![]() |
Quest articol chì l'è scrivud in lombard, con la Noeuva Ortografia Lombarda |
Moore v. Harper a l'è un cas che l'è stad decidud el 27 de sgiugn del 2023 de la Cort Suprema di Stat Unid ligad a la dotrina del legislator statal independent, vegnud foeura quand che la Carolina del Nord l'ha dissegnad la soa mapa di distret eletorai a seguì i dacc del censiment del 2020.
Dopo che in del 2019, con la sentenza Rucho v. Common Cause, la Cort l'ha did che el gerrymandering partitegh l'è no una roba che i Cort poden metégh man, anca se 'l fa mal a la democrazzia, ma poden semper sbater sgiò una mapa se l'è fad per di reson razziai, la noeuva mapa de la Carolina del Nord l'è andada per vari tribunai, fina a che la Cort l'ha garantid el so certiorari.
La Cort l'ha decidud, 6-3, che la Clausola di Elezzion ghe dà no domà ai legislature statai el poder de gestì i elezzion e l'ha donca rigetad quella teoria lì.
Se pensava che, se la Cort la sosotegniva quella teoria de l'independenza del legislator statal, l'havaria podud cambià assee el panorama in di elezzion future, desgià che gh'havaria proibid ai magistrature di Stat de meter man ai normative eletorai e sostituij con di norme che deriven di indicazzion costituzzionai del Stat, vist che l'articol vun de la Costituzzion di Stat Unid el daria quell poder lì al legislator de ogni Stat.